يا طير حاتم حسن الدابي

استعرض الموضوع السابق استعرض الموضوع التالي اذهب الى الأسفل

إعلان يا طير حاتم حسن الدابي

مُساهمة من طرف Admin في الخميس أكتوبر 16, 2008 5:39 am

يا طير
حاتم حسن الدابي
مرتاح من هموم الدنيا ما ضاقت سهر عينيك
يا طير وا حلالى عليك

صباحات الله ليك بشوشه بتقضيها فوق جنحيك
تتحدى الجبال ووحوشه عارفه ما بتطول عاليك
تلقى اللينى والكرموشه رزقك ما فى زول يحميك
توصله لى جناك مفقوشه متطامن هى بتكفيك
لا مال لا بيوت مفروشه نعم الزايلة ما بتغريك
لا زينة الدهب وكشكوشه لا شققا تكوس تمليك
محل ما تمت المخموشه اجلك فيها بيلاقيك
ماك تتملى فى المغشوشه خلقه الله ياها حليك
وماك عاشق المتكى رموشة شان تختاره ليك شريكه
لا زفة عرس لا هوشه من عندو الكريم يهديك
التلقاها صالحى تنوشه شيلته وكتى ليك تحيكه
واسرابك توقف بوشه ترقصلو الغصون شاديك
ما جبت العروس فى الكوشه واتبسمته فوق كرسيك
ما جيت حنتك منقوشه راسمه والله انسان توقل يديك
فنادقك رحبه واسع حوشه فى ضل دوحة واللا اريكه
لاك سيد تمرتا محشوشه تحرسه والله تمسك شيكه
لا ارضك متكى عيوشه تسند من تقاقه الريكه
لا قفة خضار مطقوشه يومى على الله واجبى عليك
لا التلقاها ناوى تحوشه قبلان بى المن الله يجيك
تدى اطفالك الدروشه مونة بكرة ما بتعنيك
جنياتك ملازمى عشوشه ما لاحت كتب فى وشيك
لا هم الدروس وجيوشه فى يوم عكرت صافيك
لا كتب الفصول وبروشه لا كراس ولا استيكه
ماك ذى ناس ملانى كروشه همها فى القمح والويكه
بالليل والنهار منفوشه طمعانى وتفكر فيك
بى اكل اللحوم مدووشه من دون سبه بتعاديك
فاتحى عليك فاه خرطوشه عيشه حدو لمته فيك








Admin
Admin
Admin

ذكر عدد الرسائل: 79
العمر: 26
العمل/الترفيه: طالب
تاريخ التسجيل: 13/10/2008

معاينة صفحة البيانات الشخصي للعضو http://mecha21.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى