يا ناسينا

استعرض الموضوع السابق استعرض الموضوع التالي اذهب الى الأسفل

إعلان يا ناسينا

مُساهمة من طرف Admin في الثلاثاء نوفمبر 11, 2008 12:50 pm

يا الناسينا ..حبك في ربيع دنيانا شال نور
تسقي الذكريات يا روحي شان يخضر لي يكبر
همساتنا وعناقنا الحاني يا ريت ليها تتذكر
لمان من جداول ريدنا كنا بنرتوي ونسكـــــــر
ضل السيسبان والمنقة لافينا بوشاح أخضــــر
فرع البرتكان متدلي فوقو كنارو يتبختــــر
*****
والكون كلو باسم لينا طربان غنى واستبشر
لكن جار زمانّا الليلة خلى صفانا يتعكــــر
بطراك ، وكتين الساقي التسوق فجراوي تتحسر
نواحا يزيد قليبي بكا واصبّرو مابي يتصبــــــر
*****
بطراك والقميرة معاي تشاركني الهموم تسهــر
نعسان انت يا محبوبي ضوها فوق وشيك نوّر
بطراك وكت اشوفلي عريس فرح في صحابو قام بشر
واتمناك واعيش لحظات محال يا روحي تتفســر
بطراك ، يوم قمحنا سنابلو لونن يتقلب أصفر
أبكي على الديون الفوقي .. والغير في الحصاد فكر
*****
بطراك ، وكتين الشخلوب سبيطتو تخافلو يتبعثر
تضمو عليها بي تحنان قليب الام كمان وأكتر
إلا قليبي قلبك جافا .. لي تحنانو ما قــدّر
راجيك بالسنين يا روحي ضيع للشباب ودر
تنساهو وبراهو تسيبو ..حبك ليهو يتغير؟
يتجرع وراك احزانو يندب حظو يتكـــدر
*****
يا ريت لو تعود وتجيهو أو في مرة تتعذر
شان تلقاهو قاربو وراك في لجج العذاب أبحر

رابط الأغنية للمبدع صديق أحمد
http://www.alnsri.com/upload/uploads/3.mp3
avatar
Admin
Admin
Admin

ذكر عدد الرسائل : 79
العمر : 29
العمل/الترفيه : طالب
تاريخ التسجيل : 13/10/2008

معاينة صفحة البيانات الشخصي للعضو http://mecha21.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى