رحل الشاعر عبدالله محمد خير لكن بقيت أشعاره محفورة في وجداننا

استعرض الموضوع السابق استعرض الموضوع التالي اذهب الى الأسفل

إعلان رحل الشاعر عبدالله محمد خير لكن بقيت أشعاره محفورة في وجداننا

مُساهمة من طرف Admin في الجمعة أكتوبر 17, 2008 4:18 pm

رحل الشاعر المبدع عبدالله محمد خيرالذي يعتبر من المنارات السامقة فى شعراء الشايقية وله العديد من القصائد التى يتغنى بها فنانى الشمال وقد شكل ثنائية رائعة مع الفنان كروان الشمال الاستاذ/ صديق احمد الذى تغنى بالكثير من روائع الاستاذ عبدالله محمد خير . اننا نتهز هذه السانحة لنرفع الاكف الى الله سبحانه وتعالى ان يرحمه و يجعل مثواه الجنه و نسأل الله له الرحمة و لآله و للشعب السوداني الصبر و السلوان




يا قمره
صديق أحمد
عبدالله محمد خير

يا قمره ... صبي السنسني الحمره
شوفي أبوي أنا الراجاهو كلو صباح
يا زينوبه أبوكي هو أصلو حالو بره
لو قاري العلم هو ولاهو سيد خبره
ومو زول غربه لكن الظروف جابره
مالو إن كان صبر كل الخلوق صابره
والصابرات روابح لو يجن قماح

هو أصلو متين نساكم يُمة شان يطره
بيتنفس هوا ذكراكم العطره
رهيف إحساس حنين قلبو بالفطره
نديمو بقت دموعو الديمه منقطره
وأصلو إن ما قعد بينكم ولا بيرتاح

جاهو العيد كمان زاد القليب حسره
ساد العبره حلقو ونفسو منكسره
هو لا لمّ القروش لا حصل المسره
بلد ما فيها زول مات من عدم كسره
فراقكم ليها يا أحباب ولا كان صاح

يا أمارتي الما طاعت الأمره
ندماني وبقت محتاره في أمره
بعد قسن الدرادر قصرن عمره
الشوق فاض وعماها الحنين غمره
الشوق للبلد لي بهجته وسمره
الشوق لي مقيلا ضم ضم تمره
الشوق لي حديثا ضم ضو قمره
الشوق للبلد جابريتا وككره
كان الشوق يخفف والله يبرى جراح

مشتاق للحسيناب أسقه وبكره
مشتاق للقبيل إتربوا فوق حكره
مشتاق للدميري ومويته العكره
مشتاق للجزيري وتشقه وهكره
مشتاق لي قطع بحره ودخول وكره
مشتاق للأبي يفارق الفؤاد ذكره
مشتاق للعلى مشغول دوام فكره
مشتاق للصباح ديدن غناي شكره
وياريت كت بقدر أسوي شوقي جناح.




avatar
Admin
Admin
Admin

ذكر عدد الرسائل : 79
العمر : 29
العمل/الترفيه : طالب
تاريخ التسجيل : 13/10/2008

معاينة صفحة البيانات الشخصي للعضو http://mecha21.yoo7.com

الرجوع الى أعلى الصفحة اذهب الى الأسفل

إعلان رد: رحل الشاعر عبدالله محمد خير لكن بقيت أشعاره محفورة في وجداننا

مُساهمة من طرف الملك فيصل ال في السبت أكتوبر 18, 2008 11:48 pm

نسأل الله له الرحمة
avatar
الملك فيصل ال
عضو نشط
عضو نشط

ذكر عدد الرسائل : 12
العمر : 30
العمل/الترفيه : طالب
تاريخ التسجيل : 18/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى